სკოლა ახალ ქართულ გიმნაზიაში სტუმრად ქ-ნი ციცი საავტორო წიგნებით და საქველმოქმედო ღონისძიება.

www.incognitotv.geდამაარსებელი და ხელმძღვანელი მანანა გაბრიჭიძე 599146525 / 574500094 ამა წლის 4 მაისს, როგორც მოგეხსენებათ გიმნაზიაში გაიმართა საქველმოქმედო ღონისძიება. ღონისძიებიდან შემოსული თანხა 510 ლარი გადაეცა შშმ პირთა არასამთავრობო ორგანოზაციას "იმედით გამოწვდილი ხელები". დიდი მადლობა ორგანიზატორებს,მშობლებს, მასწავლებლებს და ბავშვებს. საოცარი სკოლის, საოცარ ბავშვებთან ვიყავი დაპატიჟებული ჩემი წიგნებით!.. შეხვედრა რა თქმა უნდა კეთილშობილური მისიისა იყო, რომელზეც კარგად მოგეხსენებათ!.. ამ განსაკუთრებულმა ბავშვებმა, დიდი რუდუნებით დადგმული, გემოვნებიანი მუსიკით გაფორმებული თეატრალიზებული წარმოდგენა დამახვედრეს!.. შემდეგ ჩემი ჯერიც დადგა და წავიკითხე ნოველები, გულაჩუყებულს ხმა მითრთოდა, ცრემლი ცხვირის ნესტოებს მიწვავდა, მიხაროდა საქართველოს სულკრიალა და ჭკვიანთვალება მომავალი თაობის ყურება, რომლებიც ნამდვილად სამშობლოს ერთგულ-გულშემატკივრებად დაიზრდებიან ამ საოცრად ქართული სულისკვეთების სკოლა - გიმნაზიაში!... ხელდამშვენებულიც გამომიშვეს და მე ერთი სული მაქვს ხვალინდელი დღე გათენდეს, წავიდე მიშოსთან, დავურეკო და შევხვდე ულამაზეს დედებს, ანგელოზებად რომ ჩამოურიგა ღმერთმა შვილები და გული ცოტათი მაინც გავუხარო!... - უღრმესი მადლობა, ახალი ქართული გიმნაზიის დირექტორს, ულამაზეს ქალბატონ ელზას და მის მოადგილეს, ქალბატონ ინგა ადახს, თითოეულ მასწავლებელს, ქართული ენისა და ლიტერატურის პედაგოგს, ქალბატონ ნინო შამუგიას, დამსწრე საზოგადოებას, იქ მობრძანებულ მშობლებს, თითოეულ მოსწავლეს, ჩემს მანანა გაბრიჭიძეს - უღრმესი მადლობა თანადგომისთვის, საოცარი ემოციებისთვის, გულიანობისთვის და არაჩვეულებრივად აღზრდილი თაობებისთვის!.. - დიახ! ქველმოქმედება უდიდესი სათნოებაა! შეგეწიოთ მადლის მადლი!.. - მიყვარხართ!..